BILDIRIŞ!

Seýitnazar   Seýdi  adyndaky  Türkmen  döwlet  mugallymçylyk  instituty       2026-njy ýylyň 5-nji iýunynda ýurdumyzyň ýokary we orta hünär okuw mekdepleriniň hem-de daşary ýurtlaryň ýokary okuw mekdepleriniň professor-mugallymlarynyň, Türkmenistanyň Milli bilim institutynyň, Türkmenistanyň Ylymlar akademiýasynyň alymlarynyň, ylmy işgärleriniň gatnaşmagynda “Ylym-bilim XXI asyrda” atly halkara onlaýn ylmy maslahatyny geçirmekligi meýilleşdirýär.

YLMY MASLAHATY BARADA MAGLUMAT

Maslahatyň iş dilleri: türkmen, rus we iňlis dilleri.

Maslahat aşakdaky ugurlar boýunça onlaýn görnüşinde geçiriler:

I bölüm. Taryh, jemgyýetçilik ylymlary we medeni miras.

• II bölüm. Ýaş nesle bilim bermegiň döwrebap usullary.
• III bölüm. Filologiýanyň häzirki zaman meseleleri.
• IV bölüm. Tebigy ylymlar we ekologiýada durnukly ösüş.
• V bölüm. Takyk ylymlary we sanly tehnologiýalar.

Maslahata gatnaşmaga isleg bildirýänler nutuklarynyň gysgaça beýanlaryny  we annotasiýalaryny 2026-njy ýylyň 20-nji maýyna çenli resmi ugrukdyryjy hat bilen hem-de tdmugiylymbolum@gmail.com elektron salga ibermegiňizi haýyş edýäris.

Habarlaşmak üçin:

Telefon: +993 (422) 3-45-53; +99363060156

Halkara onlaýn ylmy maslahatyň çykyşlarynyň gysgaça beýanynyň ýazylyşyna umumy talaplar:

• Nutugyň gysgaça beýanynyň möçberi A4 ölçegli kagyzda 1,5 sahypadan geçmeli däl.
• Nutugyň gysgaça beýany ylmy maslahatyň iş dilleriniň birinde taýýarlanylmaly we ýazmaça hem-de elektron (diskde) görnüşde hödürlenilmeli.
• Annotasiýalaryň möçberi 0.5 sahypa bolmaly. Rus we iňlis dilindäki annotasiýalar  degişli kafedralaryň hünärmenleri tarapyndan ýa-da dil merkezlerinde tassyklanylmaly.
• Gysgaça beýan Times New Roman şriftinde taýýarlanylmaly, onda şular doly görkezilmelidir:
• awtoryň  ady we familiýasy (doly), sahypanyň sag gyrasynda 14 pt şriftde goýy; ýurdunyň ady ýaýyň içinde 12 pt şriftde gyýtaklaýyn ýazylmaly;
• Çykyşyň ady, annotasiýalar baş harplar bilen ýazylýar şrift 16 pt, goýy, sahypanyň merkezine düzülen bolmaly;
• Awtordaş 1-den artyk bolmaly däl;
• Nutugyň gysgaça beýanynyň tekstini ýazmadan öň 1 setir goýbermeli;
• Sahypanyň gyralary: ýokarky we aşaky - 2,0 sm, çep - 3 sm, sag - 1,5 sm bolmaly;
• Matematiki formulalar degişli formula redaktorynyň kömegi bilen ýazylmaly.
• Gysgaça beýanyň esasy mazmuny 14 pt şrift bilen ýazylýar we sahypanyň inine deňleşdirilýär. Setir aralary 1 bolmaly.
• Peýdalanylan edebiýatyň sanawy görkezilmeýär.
• Çykyşyň gysgaça beýany kabul edilen soň düzedişler we goşmaçalar girizilip bilinmeýär.
• Maslahata ýerli gatnaşyjylar ylmy işiniň gysgaça beýanyny we annotasiýalaryny edaranyň ýolbaşçysy tarapyndan gol çekilen resmi hat bilen iberilmeli.
• Guramaçylyk toparynyň çykyşlaryň gysgaça beýanlaryny çap etmek üçin saýlap almaga hukugy bardyr.
• Halkara onlaýn ylmy maslahat ZOOM platformasynda onlaýn görnüşde geçiriler.
• Kabul edilen resminamalar yzyna gaýtarylmaýar.
• Maslahata gatnaşyjy baradaky maglumaty, çykyşlaryň gysgaça beýanyny Seýitnazar Seýdi adyndaky Türkmen döwlet mugallymçylyk institutynyň ylym bölümine 2026-njy ýylyň 20-nji maýyna çenli ibermeli. 

Salgymyz: Seýitnazar Seýdi adyndaky Türkmen döwlet mugallymçylyk instituty, 746100  Türkmenabat ş., Şabende köç., 7.        

Habarlaşmak üçin telefonlar:  Tel: +993 (422) 3-45-53; +99363060156

Elektron salgy: tdmugiylymbolum@gmail.com

MASLAHATA GATNAŞYJY BARADA MAGLUMAT

Bellik: Maglumat. docx formatda goşulan we faýlyň ady “Maslahata F.A.A. .docx görnüşinde iberilmeli.